ပိာ်မုၣ်ဖိလၢအသိးဆ့ကၤအဘီဖိ
ဒီသဒၢတၢ်စူၤထံဆ့ကၤအဘီဖိတဘ့ၣ် ထုးန့ၢ်ယသး ဒီးဖဲယကွၢ်ဃီၤထံၣ်ဘၣ်ယဲ
ပိာ်မုၣ်ဖိတဂၤ သိးဆ့ကၤအဘီဖိ‚ မ့ၢ်၀ဲဒၣ် ပိာ်မုၣ်ဖိတဂၤလၢ အဟဲထီၣ်ဖၠၣ်စိမိၤ အခီၣ် ထံး တနံၣ်တဂၤ‚ အက့ၢ်အဂီၤတခီ အိၣ်၀ဲဒီးခိၣ်သူလၢအဂီၤဃဲး‚ ဒီး လီၤအဲၣ်လီၤကွံ၀ဲ ဒိၣ်မးလီၤႉ မ့ၢ်လၢ ယသးစဲးဘူးအီၤ ဒိၣ်ဒိၣ်ကလဲာ်သတးဒီး ယထိၣ်ဒူထီၣ်ယသး‚ ဒီးဖဲ ဖး၀ဲဒၣ် လံာ်တဘ့ၣ်လၢ ဘၣ်တၢ်ဆှၢလီၤလၢ အဟံၣ်အခါ လၢတၢ်သးကနိးဒီး တၢ်မဲာ်ဆှးအပူၤ‚ ယဃ့တၢ်ဆၢကတီၢ် ဒ်သိးကထံၣ် လိာ်သးဒီး အိၣ်သကိးအီၤလီၤႉ လၢတၢ်ကမၢကမၣ်အပူၤ‚ အ၀ဲဒၣ်တူၢ်လိာ် ယတၢ်ဃ့ဒီး‚ စံးဆၢ၀ဲ ‘မ့ၢ်’လီၤႉ
ဖဲအနံၣ်လွံၢ်ဆံလဲၤပူၤကွံာ်အခါ‚ စူ ဒီးယၤ‚ ပကွၢ်ကဒါက့ၤ ပတၢ်ထံၣ်လိာ်ပသးလၢဖၠၣ်စိမိၤ‚ ပှဲၤ၀ဲဒီး တၢ်နံၤတၢ်အ့လီၤႉ မ့ၢ်တၢ်ကမၢကမၣ်လၢပဂီၢ်လၢ ယွၤဒုးစဲ ဘူးပသးၣ်လီၤႉ
လၢတၢ်လဲၤခီဖျိ နံၣ်သ့ၣ်တဖၣ်အပူၤန့ၣ်‚ ပ၀ဲခံဂၤ ပဘၣ်ကွၢ်ဆၢၣ်မဲာ်ဒီး တၢ်သဘံၣ်ဘုၣ်အါမံၤ‚ ဘၣ်ဃးဒီး တၢ်လုၢ်ဒိၣ်ထီၣ်ဖိသ့ၣ်တဖၣ်‚ ဒီးတၢ်လုၢ်အီၣ် ပသးသမူအပူၤလီၤႉ လၢတၢ်သးတမံၤဃီၢ်ပှၤတဂၤ အဂီၢ်လီၤႉ
တၢ်ဂ့ၢ်ကီခဲ ဒိၣ်မ့ၢ်ဂ့ၤ‚ ဆံးမ့ၢ်ဂ့ၤ…